კითხვა: ისეთი ბეჭდის ტარება თუ შეიძლება, რომელზეც ალლაჰის სახელია ამოტვიფრული?

პასუხი: ვადიდებ ალლაჰს, ვლპცავ და ვესალმები მის შუამავალს!

სამკაულებზე ალლაჰის სახელების ან წმინდა ყურანის აიათების ამოტვიფრა მოუწონარი საქმეა. ასევე არასასურველია ასეთი სამკაულების ტარებაც. ეს ყველაფერი არის სიწმინდეები, რომლებსაც ფაქიზად უნდა მოვექცეთ და სამკაულების, სამოსის თუ ინტერიერის გასალამაზებლად არ უნდა გამოვიყენოთ. ეს სიწმინდეები მხოლოდ ჩვენს გულებსა და მორალს უნდა ალამაზებდეს. ასეთი სიწმინდეების ასე უბრალო რამეებში გამოყენება ხელს უწყობს მათ გაუფასურებას და საზოგადოებაში უპატივცემულობის ჩამოყალიბებას. მაგალითად ასეთი ბეჭდით საპირფარეშოში შესვლა, მასზე ამოტვიფრული წმინდა ფრაზების მიმართ უპატივცემულობა და შეურაცხმყოფელობაა. თქვენ ყოველთვის ვერ შეძლებთ მის მოხსნას, რათა თავიდან აცილებული იქნას აღნიშნული სიწმინდეების უხამსო ადგილას მოხვედრა.

უზენაესმა ალლაჰმა უკეთესად იცის!

თეოლოგი ნოდარ დავითაძე

11.12.2016 ბათუმი